Meer omtrent ons | More about us

 

 

Die geestelike en die liggaamlike is vir ons by VuurKairos eenvoudig goed wat saam hoort. Waar sien ons dit beter as in die Christelike geloof? – as ons glo dat God op ‘n misterieuse manier self mens geword het, lyf gekry het en in ons velle kom kruip het. Die kruis verteenwoordig juis so ‘n bymekaarkompunt tussen die geestelike en liggaamlike dimensies van lewe.

 

Dit word gesimboliseer wanneer ons die dieptepunt van die Christelike geloof in die nagmaal vier – en dan juis van baie “wêreldse” elemente gebruikmaak – van gebakte brood en wyn wat vloei. Op die plek waar die geheim van ons geloof gevier word – juis daar het ons alledaagse en stoflike elemente broodnodig! Die geestelike (spirituele) dimensie van lewe word tog afgesny as dit nie ook met jou seksualiteit kontak maak nie. Dit terwyl die passie van die evangelie tog vir ons juis passievol kan laat lewe.

 

Ons het agtergekom dat jou seksualiteit juis die kragbron kan wees van waaruit jy ook vir jou geloofslewe kan put. Vir te lank het ons toegelaat dat seksualiteit en spiritualiteit uitmekaar gehou word. Deur hierdie blog wil ons mekaar help om dit wat bymekaar hoort weer bymekaar uit te bring. “Kairos” beteken in Grieks “tydstip” en verwys na die “oomblik van waarheid” waarin die tyd swanger is om geboorte te gee aan verandering. Ons dink hierdie oomblik het nou aangebreek en nooi jou om saam te kyk waar die vuur in jou lyf met die vuur van die Gees in kontak is!

_____________________

 

 

 

For us at VuurKairos, the spiritual and bodily are simply two things that belong together. Where is this more evident than in the Christian faith, when we believe that God himself mysteriously became human, became flesh and crept in under our skin? The cross represents such a meeting place between the spiritual and corporeal dimensions of life.

 

This is symbolised when we celebrate the point of profundity of the Christian faith in the Holy Communion, by using “worldly” elements such as bread and wine. It is at this point of celebration of the secret of our faith that we have an urgent need for the ordinary, tangible things! The spiritual dimension of life is severed when it has no contact with one’s sexuality – and this while the passion of the gospel enables us to live passionately.

 

We have discovered that one’s sexuality can be the very source from which one can power one’s religious life. For too long we have allowed sexuality and spirituality to be kept apart. Through this blog we want to help one another to bring together those things that belong together. “Kairos” is the Greek word for “moment” en refers to the “moment of truth” when the time is right to bring about change. “Vuur” means “fire” in Afrikaans. We feel that this moment has now arrived and invite you to discover where the fire in your body meets with the fire of the Spirit!

 

 

 

 

LAURIE GAUM

 

 

 

 

 

LAURIE OOR HOMSELF:

 

foto-laurie22‘n Vriend het onlangs vir my gesê dis sy werksbeskrywing om vriende te maak en om hulle dan te hou! Ek dink dis hoe ek my werk ook sien. Verder hou ek daarvan om betekenisvolle rituele vir mense te ontwerp wanneer hulle by oorgange in hulle lewens staan. Ek werk saam met die Sentrum vir Christelike Spiritualiteit in Kaapstad en konsulteer vir Inclusive and Affirming Ministries wat gay-regte in kerke bevorder. Ek’s lief vir swem en fliek en waardeer argitektuur.

 

 

LAURIE OOR JOHAN:

Deur ‘n sameloop van omstandighede het ek en Johan aan verskillende kante van die land gedurende dieselfde tyd in die nuus beland: Hy vanuit die musiek; ek vanuit die teologie. Maar ons het die kerk as ruimte gedeel waar ons ons roepings en talente wou uitlewe. En ons deel ons gay oriëntasie.

As jy in die diepkant beland, kan jy nie anders as om gou te leer swem nie.

En dit was wonderlik om te weet ek’t ‘n kameraad  wie se dapperheid vir my ‘n inspirasie kon bly. Hy’t vir Goliat by die horings gepak en oorleef om die storie te vertel – en hy bly inspireer deur hierdie ruimte te inisieer om aan die behoefte van baie mense antwoord te gee.

 

JOHAN STRYDOM

 

JOHAN OOR HOMSELF:

 

dsc04080As mens onbepland by ‘n knelpunt betrokke raak, en jy ontsettend baie verloor in die proses, is die bestekopname na afloop daarvan op jou eie lewe ‘n wonderlike ontdekkingsreis.  Hierdie proses het my meer as drie jaar geneem, en ek ontdek steeds elke dag ongelooflike gawes omtrent myself.

Ek woon by die see en verdiep my in die twee groot liefdes van my lewe:  musiek en letterkunde.  Verder lê die VuurKairos projek my na aan die hart om vir gemarginaliseerde mense weer hoop te bring en ‘n veilige hawe te skep.

 

JOHAN OOR LAURIE:

Laurie het saam met my in die brandpunt van die gay gelowige debat beland.  Dit was onder moeilike omstandighede dat sy Geloof en die respek wat hy vir mense en hulle standpunte het, duidelik geblyk het, en steeds ‘n gegewe is in hoe hy daagliks met mense omgaan.

Laurie is nie ‘n verligte teoloog nie, maar eerder ‘n verantwoordelike teoloog wie se styl, waardigheid en kennis ongelooflike vertroue inboesem.

Daar is geen beter vennoot, vriend, vertroueling en klankbord saam met wie ek hierdie projek kon aanpak nie. Dankie Laurie!

5 responses to “Meer omtrent ons | More about us

  1. Roets Jacobs

    Aan my twee gay broers in Chritus. GOD seen julle.

  2. niel le roux

    Laurie, dis hoekom ek so van jou hou – jy kan sien waar groot leemtes is en dit vul met jou hart, kop en siel! Mag hierdie blog uitkring tot ‘n onlosmaaklike deel van elke gelowige EN ongelowige gay in Suid-Afrika! Niel le Roux UH: Suidoosterfees

  3. Laurie Gaum

    Hey Neil, dankie man – en amen! Ons wil inklusief wees en ek dink die behoefte spreek vanself. Die geskiedenis in ons land het ons mos al die duur les geleer hoe duur dit op die ou end is om mense uit te sluit op grond van dinge soos kleur, ras en geloof. Nou kan ons deur daardie grense breek sodat almal welkom voel.

  4. Dankie julle twee. Ek soek nogsteeds ‘n geestelike tuiste en dit is beslis nie hier in Thailand nie. Ek wag soos wagters op die mure, wag, wag,,,,
    Schalk Naude

  5. Hallo Johan en Laurie

    Baie dankie dat julle vanuit julle pyn soveel ander kan help deur die voorbeeld wat julle stel en dat ons net weereens kan besef dat ons almal leef uit God se genade en ons almal het hom elke dag nodig. Baie seen vir jule.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s