Dit is wel…met my siel! – Andre Smith

Dit is wel…..met my siel!

Die voorafgaande is die titel van ‘n pragtige lied waarvan die woorde en melodie my telkens van vreuge en vrede laat stil word!

Die afgelope tyd (na bykans 2 jaar van “uit-die-kas-wees”) het ek begin voorraad-opname doen. En watter edel ontdekkings het ek nie gemaak nie. Ek het meer gewen as wat ek verloor het.

My twyfel is minder – Psalm 37:5 het my banier geword!

My vrese het vervaag – Psalm 91 het my daaglikse skuilplek geword.

My toekoms is gevul met verwagting – Hebreërs 13:5 inspireer my!!

Saam met hierdie bewuswording kom egter die realiteite van soveel wat daagliks rondom ons gebeur wat betref die kwessie rondom gay-wees. Daar’s soveel doemprofete. Soveel hartseer stories. Soveel uitdagings geestelik, polities, eties, noem maar op. Soveel stemme wat somtyd die geneigdheid het om myself te laat wonder of die pad waarop ek my begewe die regte een is.

Hoe groot is onse God egter nie. Dis juis in ons oomblikke van twyfel dat die deur vir meer geestelike groei oopgaan. Jy sien, dis dan wanneer ons herinner word aan die pad. Die pad waarlangs ons hemelse Pappa ons tot hiertoe gelei het. Wanneer die waar woorde van Psalm 139 opnuut in jou gees wakker word…..”ek het jou in jou moederskoot gevorm.” Hy is en was nog al die tyd daar….voor en nadat ek 2 jaar gelede (of hoe lank dit ookal in jou geval mag wees) “uit die kas” gekom het. Hy ken my…Hy weet van my….Hy lei en begelei my…..ook die toekoms in. Elke dag ‘n nuwe tree. Met elke tree, nuwe gewaarwordings, nuwe groei.

As ek dus nog ‘n keer moet hoor hoe verkeerd dit is om gay te wees….

As ek nog ‘n keer die spykers van veroordeling van ander deur my mens-wees moet verduur.

En nog ‘n keer….vir die soveelste maal die ander wang moet draai….wel….

Dan doen ek dit!! My dryfkrag om dit te doen? Uit myself…? Nee beslis nie!!! Dis die pad waarlangs Hy my gelei het wat my geleer het….”ek is tot ALLES instaat, deur Christus wat my die krag gee.”(Fil.4:13)

Ja, al is of voel ek en jy nog soms broos en kwesbaar. Al wil ons soms nog vra: “hoekom dan ek Here?” Of wanneer ons die volgende uitdaging in die gesig staar en wonder of ons dit sal kan oorleef. Wel, het ek by my Leermeester ontdek… dis juis in hierdie tye dat ons (ek en jy) kan sing:

“Dit is wel….met my siel!!!”

Gebed:

Here, dankie dat U anders is. Dankie dat ons u mag soek en mag vind… al is dit soms deur ons trane. Dankie dat U vír my is al is daar tienduisende teen my. Meer nog wil ek dankie se dat ek midde-in die werklikheid van ons menslike bestaan, die trooslied tot U mag offer:

Dit is wel met my siel!! En die enigste dankrede hiervoor is omdat U dit met my siel laat goed gaan. Soli deo Gloria – aan ons God al die eer!

(Luister gerus na hierdie pragtige lied op youtube… daar is verskeie weergawes beskikbaar om van te kies!). God seën jou.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s